Фото: Telegram«Ўзбекнефтгаз» АЖнинг UNG Petro корхонаси UNG миллий бренди остида аҳолига сифатли нефть махсулотларини етказиб беришда яна бир қадам ташлаб, бензин маҳсулотининг янги маркасини яратиш бўйича амалий ишларни якунлаб, Аи-80 люкс маркали бензин ишлаб чиқаришни бошлади.
UNG Petro МЧЖ директори М.Мусаевнинг таъкидлашича, Аи-80 люкс бензини автомобиль двигателининг фаолиятига, шунингдек, унинг чиқинди газини қайта ишлаш тизимига ижобий таъсир кўрсатади. Ҳамда бир марта тўла бак ёқилғи қуйиш натижасида 50 км гача кўпроқ масофани босиб ўтишни таъминлайди.
Ижтимоий тармоқларда «Ўзбекнефтгаз» АЖга қарашли АЁҚШлардан бирида Аи-80 люкс маркасидаги бензиннинг 4500 сўмдан сотилаётгани ҳақидаги суратлар тарқалган.
Аввалроқ Фарғонада 2023 йилдан бошлаб Аи-92 бензин ва «Евро-5» стандартидаги дизель ишлаб чиқарилиши, Ўзбекистондаги ҳар бир вилоятда июль ойидан бошлаб «Евро-5» ёқилғисига эга шохобчалар пайдо бўлиши режалаштирилгани ҳақида хабарлар берилганди.