Яқинда учинчи марта она бўлган хонанда ва актриса Мадина Мумтозга турмуш ўртоғи Malibu автомобилини совға қилди.«Кўчамизга ‘сиренаълар билан автомобиллар кириб кела бошлаганида, маҳаллага келин-куёв келяпти деб ўйладим. Кўчага чиқсак, эвакуаторда янги бантикли оппоқ машина турибди. Қайсидир қўшнимизга кимдир совға қилибди, деб ўйладим. Қарасам, атрофда ҳамма мени видеога оляпти. Ҳеч нарсага тушунмасдан секин юриб бордим. Хўжайиним бу машина сизга, дедилар ва ўзлари бошқа жойга ўтиб кетдилар. Ишонишни ҳам, ишонмасликни ҳам билмай қолдим, кўзларим ёшланди. Доим шунақа кутилмаган совға қилиб юрадилар. Аллоҳнинг менга берган инояти — бу турмуш ўртоғим», — дея ҳиссиётларини изҳор этади Мадина Мумтоз.