«Замин»ни Telegram’да ўқинг! Join!
Zamin.uz
, 04 2020, 05:17
ЎЗO‘Z

Амир Темур билан Дамашқда кўришган олим

04 июл, 07:43 1 985 Дунё
«Замин»ни Telegram’да ўқинг!
Амир Темур билан Дамашқда кўришган олим Бунингдек олимни замон ҳали кўрмаган эди. У бир неча асарлар битди. Бироқ, шу асарларидан биттаси дунёни ўзининг янгиликлари-ю ажойиботлари билан ларзага солди. Бу китобнинг номи "Муқаддимату ибн Халдун" эди. Китоб муаллифи эса жамиятшунослик (социология) фанига тамал тошини қўйган мусулмон олим ибн Халдундир!

Ушбу забардаст алломанинг тўлиқ исми Абдурроҳман ибн Муҳаммад ибн Халдун бўлиб, Валиюддин лақабини олган.

Ибн Халдун 732 ҳижрий, 1332 милодий йили Рамазоннинг илк куни дунёга келди. У ўзи таваллуд топган Тунис ерида ўсиб улғайди. Унинг оиласи иқтисодий ва сиёсий жиҳатдан бутун Тунис ва Андалусда обрў-эътиборга эга эди. Лекин Ибн Халдуннинг аждодлари асли Хадрамавтлик эдилар. Бу ҳақида олимнинг ўзи ҳам асарларидан бирида тўхталиб ўтиб, аждодларининг асли улуғ саҳобий Воил ибн Ҳажар розияллоҳу анҳуга бориб тақалишини айтиб ўтган.

Ибн Халдун илму адабиётга меҳр қўйган хонадонда катта бўлди. Ёшлигидаёқ Қуръони каримни ёд олди. Сўнгра Зайтуна жомеасида (ўша пайтдаги университет) шариат илмлари, тарих ва фиқҳни таълим олди. Кейинчалик, у ерни битириб бўлиб Бискра, Бажая, Тилемсан (Жазоирдаги шаҳарлар), Гранада ва Мисрга кўчиб, илмий изланишлар олиб борди.

Ибн Халдун олим сифатида мусулмонларнинг энг катта тарихчиларидан биридир. У шунингдек, жамиятшунослик (социология) фанига тамал тошини қўйган олимлардан бири ҳисобланади. Унинг давлат бошқаруви, жамият, иқтисодиёт йўналишлари бўйича бир неча назариялари мавжуд.

Ибн Халдун ҳукмдорлар ва давлат раҳбарлари билан қандай муомала қилиш, яъни дипломатиянинг моҳир устаси эди. Бунга унинг Амир Темур билан бўлган учрашуви яққол мисолдир.

Ибн Халдун милодий 1401 йили (ҳижрий 803) Амир Темурни қўшинлари билан Дамашқ деворлари ташқарисида учратган. Ибн Халдуннинг шуҳрати анча баланд бўлиб, бу гал ҳам Дамашққа келганида, шуҳрати ўзидан олдин етиб келган эди. Амир Темурга ҳам бу олимни таништирдилар. Шундан кейин Ибн Халдун ва Амир Темур бирга ўтириб суҳбатлашишди.

Ибн Халдун 1401 йил май ойида Мисрга қайтиб келди. Аллома ибн Халдун 1406 йил март ойида (ҳижрий 808 йил) 78 ёшида вафот этди ва қадимий Қоҳирада жойлашган мақбарага дафн этилди.

Олимнинг машҳур асарлари:
- “Муқаддимату Ибни Халдун”;
- “Тариху Ибни Халдун” (7 жилдлик);
- “Луббабул муҳассал фий усулид дийн”;
- “Шифаус саил ва таҳзийбул масаил”.

Манба: Azon.uz



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • "Бу жавоб сиздан эмас, балки парда ортидаги кишидандир" 17 мая, 09:15
  • Афғонистон президенти Амир Темурни «Темурланг» деб атади 01 фев, 20:30
  • Жириновский генетик модификацияланган болалар туғилишини олқишлади 02 янв, 00:30
  • Араб дунёсида кўпхотинлиликнинг урфдан қолиши сабаблари маълум қилинди 04 дек, 09:48
  • Таниқли британиялик файласуф-атеист: "Худо бор экан!" 29 окт, 20:07
  • Тунис ҳарбий вертолётининг қулаши оқибатида 2 киши ҳалок бўлди 15 июл, 13:13
  • Сўнгги янгиликлар
  • Сотқин генералнинг ўлими. 1946 йил 3 август – Гитлерга хизмат қилган генерал Власов қатл этилган кун 04 авг, 00:28 197
  • Андрей Канчельскис: Айрим футболчилар ўзларининг нималарга қодирликларини ҳали кўрсата олишмади 04 авг, 00:22 122
  • Бош вазир ўринбосари карантин қандай шароитда бекор қилиниши мумкинлигини айтди 03 авг, 23:53 402
  • Коронавирус: Ўзбекистонда бир кунда 700дан ортиқ янги ҳолат қайд этилди 03 авг, 23:30 247
  • Россия ўз вакцинасига эга илк мамлакат бўлишга яқин 03 авг, 23:23 546
  • Божхоначилар 144 миллион сўмлик сифати кафолатланмаган дориларнинг ноқонуний айланмасига чек қўйишди 03 авг, 23:04 174
  • Олимлар поездда коронавирусни юқтириш хавфини камайтириш йўлини аниқлашди 03 авг, 22:42 259
  • Меган Маркл отасига ёзган хатини чоп этган газетага судда ютқазди 03 авг, 22:20 239
  • Туркияда «Жалолиддин Хоразмшоҳ» сериалини суратга олиш ишлари бошланди (фото, видео) 03 авг, 21:53 347
  • «Аллоҳдан бундай шароитда олиб кетмаслигини сўрадим». Юлдуз Усмонова бир неча кун иситмалаб ётгани ҳақида сўзлаб берди (видео) 03 авг, 21:27 595
  • Коронавирусга қарши курашда қайси давлатдан ўрнак олиш керак? 03 авг, 21:03 776
  • Мутахассис коронавирусга оммавий иммунитет пайдо бўлиши шартини маълум қилди 03 авг, 20:40 656
  • Бўлимлар