Hyundai биринчи электро миниавтобусни тақдим этди

^{Фото: Hyundai}
Жанубий Кореянинг Hyundai компанияси County Electric номли илк электро миниавтобусни тақдим этди, деб хабар беради Electrek.
Янги миниавтобус бир марта қувватланиш орқали 250 километр масофа босишга қодир. Автомобильга 128 кВт/соатли литий-ион-полимерли аккумулятор ўрнатилган.

County Electric узунлиги 7,7 метрга тенг бўлиб, унинг ичига 15 нафардан 33 нафаргача йўловчи сиғиши мумкин.

^{Фото: Hyundai}
Компаниянинг таъкидлашича, миниавтобус йўловчилар ва атроф-муҳит учун максимал даражада хавфсиз ҳисобланади.
Апрель ойининг охирларида Hyundai ноодатий шоу-карлар сериясини ишлаб чиқаришни бошлаши тўғрисида хабар берилганди.