Интернетда «iPhone 12» смартфонларига бағишланган ролик пайдо бўлди. Уни ютуб-блогер iupdate жойлаштирди.Роликдан кўриниб турибдики, бўлғуси тўрт «айфон» «iPhone 4» ва «iPad Pro»га ўхшаб кетади. «iPhone 12»нинг энг кичик моделига 5,4 дюймлик дисплей ўрнатилади, Pro версияси эса икки вариантда 6,1-дюймлик экран билан чиқарилади. Дисплейнинг каттаси «iPhone 12 Pro Max» флагманида — 6,7-дюйм.
Роликда айтилишича, барча янги қурилмалар OLED-экранли бўлади ва 5G-тармоқни қўллайди.
Блогернинг таъкидлашича, 5,4-дюймли «iPhone» ромсиз бўлгани учун, экрани ўзиникидан ҳам кичик «iPhone SE 2» смартфонидан кўра ихчамроқ бўлади.