«Замин»ни Telegram’да ўқинг! Join!
Zamin.uz
, 28 2024, 20:33
ЎЗO‘Z

Россия матбуоти “Локомотив” (Москва) ўзбекистонлик 18 яшар вундеркиндни олаётганини бонг урмоқда!

17 июн, 07:53 3 964 Спорт
«Замин»ни Telegram’да ўқинг!
Россия матбуоти “Локомотив” (Москва) ўзбекистонлик 18 яшар вундеркиндни олаётганини бонг урмоқда! Россия премьер-лигасида Ўзбекистон футболи тарбияланувчилари Элдор Шомуродов ва Остон Ўруновнинг муваффақиятли ўйинларидан кейин рус клубларининг миллий чемпионатимизда тўп сураётган истеъдод эгаларига қизиқиш тобора ортиб бормоқда.

Россия оммавий ахборот воситалари юқори ўринлар учун курашаётган Москванинг “Локомотив” жамоаси 18 ёшли Жасур Жалолиддиновни трансфер қилиш масалаларини якунлаётгани ҳақида ёзмоқда.

“Локомотив” раҳбарияти бўлажак трансфер бўйича “Бунёдкор” клубига мурожаат қилди. Ярим ҳимоячи айни пайтда 450-500 минг еврога баҳоланмоқда ва тез орада бу трансфер расмийлаштирилиши кутилмоқда.

Жасур Жалолиддинов 2018 йилнинг август ойида “Бунёдкор” таркибида дебют учрашувини ўтказган. У Ўзбекистон чемпионати юқори лигасида ўйинга тушган энг ёш футболчи сифатида тарихга кирган. Дебют учрашувини ўтказган куни Жасур 16 ёшу 80 кунлик эди.

Бундан ташқари, ҳамюртимиз 2019 йилнинг октябрь ойида The Guardian нашри томонидан эълон қилинган “2002 йилда туғилган дунёнинг 60 нафар энг иқтидорли ёш футболчилари” рўйхатидан жой олди.

Статистик маълумотларда Жасур Жалолиддинов “Бунёдкор” таркибида 18 та учрашувда майдонга тушиб, рақиблар дарвозасига учта гол киритган ва жамоадошларига учта голли пас узатган.

Жасур анчадан буён Европа клублари эътиборида турганини айтиш жоиз. У Италиянинг “Беневенто” клубига ҳам бориб, маҳоратини ошириб келганди. Шунингдек, Туркиянинг “Бешиктош” жамоаси ҳам ўзбек футболчисига жиддий қизиқиш билдирди. Бироқ, футболчининг ўзи sports.uz порталига берган интервьюсида унга таклифлар кўплиги, лекин мутахассислар ва яқинлари билан маслаҳатлашиб, легионер сифатидаги фаолиятини Москванинг “Локомотив” жамоасида бошламоқчилигини маълум қилган эди.

Дарҳақиқат, кўпчилик унинг бу қарорини тўғри, деб ҳисобламоқда. Европанинг кучли чемпионатлари ва машҳур клубларига боргани билан 18 ёшли футболчи бор истеъдодини намойиш эта олмаслиги ёки унга маҳоратини кўрсатиш учун етарли даражада имкон берилмаслиги мумкин. Тарихда бунақа вазият кўп бўлган. Биз учун эса бир пайтлар ёшлигида “Ювентус” билан шартнома имзолаб, Турин клуби таркибига кира олмаган Илёс Зейтуллаевнинг тажрибаси ёрқин мисол бўла олади.

Бугунги кунда ўзбекистонлик футболчилар учун Россия премьер-лигасида муваффақиятли тўп суриш орқали Европанинг кучли клублари эътиборини қозониш энг мақбул вариантлардан бири бўлиб қолмоқда. Хусусан, “Ростов”да тўпурарлик қобилиятини кўрсатаётган Элдор Шомуродов айнан Россиядаги ўйинлари билан европаликлар эътиборига тушди.

“Локомотив” раҳбарияти ва “Бунёдкор” ўртасидаги келишувга кўра, Жасур Жалолиддинов москваликлар билан шартнома имзолаганидан кейин ярим йил давомида Ўзбекистон чемпионатида тўп суради. Кейин Москвага учиб кетади.




Мавзуга оид янгиликлар
  • Ўзбекистонлик беш нафар ҳакам Қатардаги U-23 Осиё кубогида фаолият олиб боради 28 мар, 18:49 24
  • Тошкентнинг “Бунёдкор” клубига янги бош мураббий тайинланди 28 мар, 17:00 156
  • Сенсация кўтарган боксчи Баҳодир Жалолов олдида “ип эшолмади”, бироқ... 28 мар, 00:00 967
  • Элдор Шомуродовнинг жароҳатига ойдинлик киритилди, лекин... 27 мар, 21:05 695
  • “Бунёдкор” стадионида ўша хунук ҳолат яна такрорланди 27 мар, 17:43 1 078
  • Евро-2024: барча иштирокчи жамоалар маълум бўлди 27 мар, 07:49 267
  • Сўнгги янгиликлар
  • «Толибон» Москвадаги теракт ташкилотчиларини йўқ қилишга ваъда берди 28 мар, 20:00 0
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 10
  • Украина хавфсизлик хизмати раҳбари: «Савол ўринли, аммо биз тан олмаймиз» 28 мар, 19:30 69
  • Сурхондарёда ЙТҲда ҳайдовчи аёл ва унинг фарзандлари ҳалок бўлди 28 мар, 19:08 51
  • Ўзбекистонлик беш нафар ҳакам Қатардаги U-23 Осиё кубогида фаолият олиб боради 28 мар, 18:49 24
  • Коррупция даражаси ёмон ва яхши бўлган ташкилотлар эълон қилинди 28 мар, 18:23 30
  • UzAuto Motors автомобилларидан бирига шартнома беришни бошлайди 28 мар, 18:02 68
  • Рус нашрлари: «Крокус»да теракт уюштирганлар наркотик таъсирида бўлган 28 мар, 17:40 261
  • Тошкентда қалбаки долларни сотишга уринган шахслар қўлга олинди 28 мар, 17:17 18
  • Тошкентнинг “Бунёдкор” клубига янги бош мураббий тайинланди 28 мар, 17:00 156
  • Лезвия билан баданини кесган йигит ҳодисаси бўйича расмий маълумот берилди 28 мар, 16:44 197
  • Қандли диабет касаллигида рўза тутса бўладими? 28 мар, 16:20 110
  • Бўлимлар