Фото: NBC News Миннеаполисда юк машинаси шаҳардаги кўприк устида тўпланган намойишчилар устига ҳайдалди. Бу ҳақда Миннесота жамоат хавфсизлиги департаменти хабар берди.
NBC’нинг таъкидлашича, юк машинаси катта тезликда одамлар томон ҳаракатланган, намойишчилар қочишга улгуриб қолган. Миннеаполис губернатори Тим Вальц юк машинаси ноқонуний равишда ёпиқ трасса бўйлаб ҳаракатланганини маълум қилган. Ҳайдовчининг бундай йўл тутишига нима сабаб бўлгани номаълум.
Тартибсизликлар ва полиция билан тўқнашувларга олиб келаётган норозилик намойиши 25 май куни Миннеаполисда полиция томонидан қўлга олинган 46 ёшли афро-америкалик Жорж Флойд вафот этганидан сўнг бошланди. АҚШнинг 25 та шаҳрида оммавий норозиликлар сабаб комендантлик соати эълон қилинган.