Коронавирусга чалинган беморлар сони камайган мамлакатларда карантин чоралари жуда юмшатиб юборилса, “биринчи тўлқиннинг иккинчи авжи” кузатилиши мумкин. Бу ҳақда Жаҳон Соғлиқни Сақлаш Ташкилоти (ЖССТ)да бўлиб ўтган бирифингда ташкилотнинг фавқулодда вазиятлар бўйича дастури раҳбари Майкл Райан маълум қилди.Унинг таъкидлашича, Марказий ва Жанубий Америка, Африка ва Жанубий Осиёдан келаётган маълумотларга қаралса, дунё коронавируснинг иккинчи тўлқинини бошдан кечирмаётгани, балки биринчи тўлқиннинг ўрталарида экани аён бўлади.
Майкл Райан эпидемиялар тўлқинлар шаклида ўтишини, бу эса касаллик бир неча ойдан кейин айни жойда яна пайдо бўлиши эҳтимоли борлигини англатишини ва касаллик тарқалишининг бир тўлқинида бир неча авжлар бўлиши мумкинлигини айтди.
Жон Хопкинс университети маълумотига қараганда, дунёда коронавирусга чалинганлар сони қарийб 5,5 миллионга етди.