Фото: REUTERSApple компанияси iPhone смартфонлари учун мўлжалланган iOS операцион тизимининг пандемия шароитида юз берган ўзгаришлар ҳисобга олинган янги версиясини чиқарди.
Жумладан, iOS 13.5 версияси ниқоб таққан одамга телефонни тез блокдан чиқаришга имкон беради. Шунингдек, унда Google билан биргаликда яратилган, коронавирусга чалинганлар билан алоқалар ҳақидаги огоҳлантиришлар тизими Expose Notification жорий қилинган.
iOSнинг янги версияси фойдаланувчилар ниқобда бўлганда ўз қурилмаларини очишга уринишда дуч келган муаммони ҳал қилган. Операцион тизимнинг аввалги версияларида юзни таниш тизими ниқоб таққан одамни кўргач, паролни киритиш экранига ўтишдан аввал бир неча марта хато чиқарган. Янги версияда эса у ниқобдаги одамни бир зумда таниб, парол киритиш экранини дарҳол чиқаради.