Ўзбекистон терма жамоаси ва “Ростов” ҳужумчиси Элдор Шомуродовга Германия клубларидан қизиқиш бўлаётгани хабар қилинган эди.Айрим оммавий ахборот воситалари, ўзбекистонлик тўпурарни “Шалке 04” жамоаси ўз сафига таклиф этаётганини маълум қилган.
“Шалке 04” Элдор Шомуродовни шу йилнинг ёзида қўлга киритмоқчи. Ҳамюртимизнинг трансфери 5 миллион еврога баҳоланмоқда. Аслида Элдорнинг трансфери икки баробар қиммат. Лекин пандемия таъсирида суммалар пасайгани айтилмоқда.
Элдор Шомуродов жорий мавсумда 22 та учрашувда 11 та гол урди ва жамоадошларига 6 та голли пас узатди.