Фото: YouTube«УАЗ Хантер» ва Mercedes-Benz «Гелендваген» бир-бирига рақобатчи ҳисобланади. Аслида Россия автомобиллари Германиякидан кучлироқ эканлигини исботлашга уринувчи «УАЗ» эгалари шундай ҳисоблайди, деб ёзади Carakoom.
Бу икки йўлтанламасни бир неча маротаба солиштириб кўришган. Синовлар анъанавий йўлларда, нотекис йўлларда ўтказилган. Бироқ ҳеч ким уларнинг мустаҳкамлигини синовдан ўтказмаган.
DdKaba YouTube канали айнан шундай қилишга қарор қилди. Улар кўринишидан анча янги «УАЗ» ва эскигина уч эшикли Mercedes-Benz G-классини сотиб олган.
Сўнгра иккала автомобиль иштирокида олдма-олд тўқнашув содир этилди.
Фото: YouTube
Тўқнашув соатига 60 километр тезликда юз берди. Ташқаридан қараганда «УАЗ» кучлироқ зарарланди. G-классдан фарқли равишда унинг олд эшиклари қийинчилик билан очилди. «УАЗ»нинг тагига антифриз, Mercedes-Benzнинг остига эса автомобиль мойи оқиб кетди.
Расмий натижалар эса қуйидагича: ушбу синовда кузовининг мустаҳкамлиги билан Mercedes-Benz ғалаба қозонди.
Блогернинг ўзи ўйлаб топган қоидаги кўра, синов охирида мағлуб автомобиль йўқ қилинади. Шунинг учун видео сўнггида «УАЗ»нинг металлоломга айланаётганини кўриш мумкин.