АҚШ президенти Дональд Трамп коронавируснинг ўз-ўзидан йўқолиб кетишига ишончи комил эканлигини билдирди. Бу ҳақда Daily Mail хабар қилган.«Мен бу гапларни шифокорлардан олинган маълумотларга асосланиб гапиряпман. Улар инфекциянинг йўқолишини айтишди. Бу коронавирус 2020 йилда, кузда ёки куздан кейин йўқ бўлишини англатмайди. Муайян даврга бориб, у ўз-ўзидан йўқолади. Лекин шунга қарамай ихтиёримизда вакцина бўлса, бу фойда беради», – деган Трамп.
Жаҳон соғлиқни сақлаш ташкилоти 11 март куни COVID-19 коронавирус инфекциясининг бутун дунёда тарқалиши пандемия даражасига чиққанини эълон қилган. Ташкилот маълумотларига кўра SARS-CoV-2 коронавирусини бутун дунёда 3,6 миллион нафар одам юқтириб олган, 254 минг нафардан кўпроқ бемор касаллик оқибатида ҳаётдан кўз юмган.