Трампнинг шахсий ёрдамчисида коронавирус аниқланди

^{Фото: Doug Mills/ EPA}
CNN телеканалининг хабар беришича, коронавирус Трампнинг шахсий камердинери вазифасини бажарувчи АҚШ ҳарбий-денгиз кучлари хизматчисида аниқланган.

Маълум қилинишича, АҚШда камердинерлар нуфузли ҳарбий қисм аъзолари ҳисобланиб, президент оиласига яқин ишлайдилар.
Трамп ўз ёрдамчисида коронавирусга тест мусбат натижа бергани ҳақидаги хабардан кўнгли хира бўлган.

“Президент ва вице-президентнинг вирусга тестлари манфий натижа бериб келмоқда, улар соғломлар”, дейилган хабарда.
Коронавирус эпидемияси вақтида АҚШ президенти, вице-президент Майк Пенс ва Оқ уй маъмуриятининг етакчи ходимлари мунтазам равишда коронавирусга тест топширмоқдалар.