Фото: Hi-Tech.Mail.ru Инсайдер iPhone 12 линейкаси смартфонлари анъанавий ва Pro моделларига бўлинишини тасдиқлади, деб ёзади Hi-Tech.Mail.ru. Смартфонларнинг энг ҳамёнбопи 5,4 дюймли, яна иккитаси 6,1 дюймли экранга (улардан бири оддий, бири Pro) эга бўлади.
Энг йирик смартфоннинг экрани эса 6,7 дюйм. Улар ўртасидаги нарх бир-биридан сезиларли даражада фарқ қилади. Энг ҳамёнбоп смартфон нархи 12 Pro Max’дан қарийб икки марта арзонроқ:
5,4 дюймли iPhone 12 — $649.
6,1 дюймли iPhone 12 — $749.
iPhone 12 Pro — $999.
iPhone 12 Pro Max — $1099.
Шу тарзда iPhone 12 Pro Max ўзидан олдин чиқарилган модель— 11 Pro Max билан бир хил нархда сотилади. Линейкадаги барча смартфонлар OLED экранга, кичрайтирилган «қош»га, Apple А14 янги процессорига эга бўлади.