Фото: BoeingBoeing компанияси Қатар ҳарбий-ҳаво кучлари қуролланиши қаторига кириши кутилаётган F-15QА қирувчи самолётининг биринчи парвозини мувафаққиятли синовдан ўтказди. Бу ҳақда компания матбуот хизмати хабар берди.
Муҳандисларнинг таъкидлашича, F-15QА — Америка қирувчи самолётларининг тўртинчи авлодлари орасида энг замонавий версия ҳисобланади. Биринчи парвоз вақтида самолёт ҳавода 90 дақиқа давомида бўлиб, Сент-Луисдаги Ламберта халқаро аэропортига қўнишни амалга оширган.
Boeing мазкур қирувчининг «викингнинг парвози» деб аталувчи манёврини намойиш этди — унда самолёт асосий парвоздан олдин вертикал равишда ҳавога кўтарилади. Компаниянинг таъкидлашича, самолёт ва унинг ички тизимлари синовдан муваффақиятли ўтган.
F-15QА ўзидан олдинги қирувчига қараганда бир қатор модификацияга учраган: элетродистанцион бошқарув тизими, рақамли қурилмалар панели, датчиклар, радар ва радиоэлектрон кураш воситалари яхшиланган. Қирувчи самолётнинг конструкцияси анча барқарор ва таъмирлашга яроқли бўлиб, кўплаб хавфларда ҳимоя қилишга қодир.
What’s a “Viking takeoff”? Watch as the Qatar Emiri Air Force #F15 demonstrates the maneuver during its first flight. pic.twitter.com/wLHEuvH0Lt
— Boeing Defense (@BoeingDefense) April 14, 2020