ОКМК футбол клуби бош мураббийи Миржалол Қосимов коронавирус пандемиясига қарши курашга ўз ҳиссасини қўшди.
Мутахассис мамлакатда коронавирусга қарши кураш ва муҳтожларга ёрдам кўрсатиш мақсадида «Ўзбекистон меҳр-шафқат ва саломатлик» фондига 75 миллион сўм миқдорида пул маблағи ўтказиб берди. Бу ҳақда олмалиқликлар матбуот хизмати маълум қилди.
Эслатиб ўтамиз, Қосимов январь ойида 20-Толариқ сайлов округидан халқ депутатлари Тошкент шаҳар кенгаши депутатлигига сайланганди. Аввалроқ Ўзбекистон терма жамоаси ярим ҳимоячи Отабек Шукуров 100 миллион сўм миқдорида хайрия қилгани хабар қилинганди.