Фото: «Google.com»Туркманистонда «коронавирус» сўзи тақиқланди. Бунга сабаб сифатида мамлакатда ваҳима тарқалишининг олдини олиш кўрсатилган.
Эндиликда «коронавирус» ўрнига «ўткир респиратор касаллик» сўзини ишлатиш мумкин. Туркман ҳукумати COVID-19 пандемияси туфайли аҳоли ўртасида кўтарилаётган ваҳимани бостиришнинг таъсирчан чораларини кўрмоқда.
Хабарларда айтилишича, ушбу сўз мамлакат Соғлиқни сақлаш вазирлиги томонидан таълим масканлари, касалхоналар, турли корхоналар ва компанияларга юбориладиган махсус брошюралардан чиқариб ташланган.
Сал олдин мамлакат раҳбари Гурбангули Бердимуҳамедов ҳукумат мажлисида фуқароларга исириқ тутуни ёрдамида вирусдан ҳимояланишни маслаҳат берган эди. Яна шуни айтиб ўтиш мумкинки, ҳалигача расман Турманистонда «коронавирус» инфекцияси билан касалланган беморлар қайд этилмаган.