Фото: «NIAID-RML»АҚШнинг Висконсин штатида истиқомат қилувчи аёл коронавирусни юқтиргач, касаллик пайтида тортган азобларини «Twitter»да ифодалаб берди.
Эми Ширсель Европага қилган сафаридан сўнг нохушликни ҳис қилган.
«Бошида бир-икки кун аломатлар унчалик сезилмади. Иситмам чиқди, енгил йўтал, эт увушиши, бош оғриғи ва тумов пайдо бўлди», — деб ёзади у 28 март куни. Сўнгра аёлда уйқу ва иштаҳа билан боғлиқ муаммолар келиб чиққан. Коронавирус таҳлил натижалари тасдиқлангандан сўнг, тўртинчи куни 22 ёшли америкалик аёл кўнгил айниши, нафас сиқишидан қийнала бошлаган, тана ҳарорати 39 даражага кўтарилган.
Бир кундан кейин, Ширсель юришга қийнала бошлагандан сўнг «Тез ёрдам»ни чақирган. Тиббиёт ходимлари уни шифохонага олиб кетишган.