«Замин»ни Telegram’да ўқинг! Join!
Zamin.uz
, 31 2020, 11:43
ЎЗO‘Z

Шавкат Мирзиёев Афғонистон Президенти билан телефон орқали мулоқот қилди

26 мар, 21:00 1 598 Жамият
«Замин»ни Telegram’да ўқинг!
Шавкат Мирзиёев Афғонистон Президенти билан телефон орқали мулоқот қилди Ўзбекистон Республикаси Президенти Шавкат Мирзиёев 26 март куни Афғонистон Ислом Республикаси Президенти Муҳаммад Ашраф Ғани билан телефон орқали мулоқот қилди.
Суҳбат аввалида икки давлат раҳбарлари баҳорий Наврўз айёми муносабати билан бир-бирларини самимий қутлаб, энг эзгу тилакларини билдирдилар.

Ушбу фаровонлик ва янгиланиш байрами дўст халқларимизнинг маданий-маънавий мероси муштараклиги, тинчлик ва равнақ йўлидаги орзу-умидлари рамзи бўлиб келаётгани алоҳида таъкидланди.

Давлатимиз раҳбари, шунингдек, Ашраф Ғанини Афғонистон Президенти этиб сайлангани билан табриклади ҳамда унга мамлакатда барқарорлик ва изчил тараққиётни таъминлаш борасидаги устувор вазифаларга эришишда катта муваффақиятлар тилади.

Ашраф Ғани, ўз навбатида, табрик учун, шунингдек, Афғонистонда тинчликка эришиш ва мамлакатни ижтимоий-иқтисодий тиклаш юзасидан кўрсатаётган кўмаги ва фаол саъй-ҳаракатлари учун Ўзбекистон раҳбари Шавкат Мирзиёевга самимий миннатдорлик билдирди.

Афғонистон Президенти Ўзбекистон Республикаси Президенти ташаббуси билан икки йил аввал ўтказилган Афғонистон бўйича Тошкент халқаро конференцияси муҳим воқеа — афғон муаммосини тинч йўл билан ҳал этиш бўйича сиёсий жараённи бошлаш, манфаатдор томонлар мулоқотининг ўзаро мақбул шакл ва механизмларини излашда «бошланғич нуқта» бўлгани қайд этилди.

Мулоқот чоғида минтақада янги турдаги коронавирус инфекцияси тарқалиши билан боғлиқ жорий вазият ва кўрилаётган чора-тадбирлар муҳокама қилинди.

Президент Ашраф Ғани Ўзбекистон коронавирусга қарши курашишда кўрсатаётган амалий кўмаги учун алоҳида миннатдорлик билдирди. Мамлакатимиз мутахассислари томонидан бунёд этилган ва эксплуатация қилинаётган «Ҳайратон - Мозори Шариф» темир йўли, шунингдек, электр энергияси, озиқ-овқат ва саноат маҳсулотлари етказиб берилаётгани ҳамда савдо ва гуманитар юкларнинг юртимиз ҳудуди бўйлаб транзити ҳеч қандай тўсиқларсиз амалга оширилаётгани ва кўрсатилаётган бошқа ёрдам ушбу пандемияга қарши курашишда муҳим омил бўлаётгани таъкидланди.

Давлат раҳбарлари ҳаракатларни яқиндан мувофиқлаштиришни давом эттириш ҳамда икки мамлакатдаги санитар-эпидемиологик ҳолатни назорат қилиш борасида қатъий чоралар кўриш муҳимлигини қайд этдилар.

Президентлар икки томонлама, аввало савдо-иқтисодий, энергетика ва транспорт-коммуникация соҳаларидаги ҳамкорликнинг долзарб масалаларини ҳам кўриб чиқдилар, шунингдек, халқаро аҳамиятга молик масалалар юзасидан фикр алмашдилар.

Афғонистоннинг барқарор тараққиётини таъминлаш ва халқ фаровонлигини оширишга қаратилган қўшма инфратузилма лойиҳаларини ишлаб чиқиш ва амалга ошириш борасидаги саъй-ҳаракатларни фаоллаштиришга келишиб олинди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Шавкат Мирзиёев Эрдўғонни таваллуд куни билан табриклади 26 фев, 18:43
  • Шавкат Мирзиёев Эрдўғонни Туркия президенти лавозимига сайлангани билан табриклади 25 июн, 07:34
  • Шавкат Мирзиёев Афғонистон президенти билан музокара ўтказди 09 июн, 22:20
  • Шавкат Мирзиёев Гурбангули Бердимуҳамедов билан телефон орқали суҳбат қурди 16 фев, 08:07
  • Шавкат Мирзиёев Гурбангули Бердимуҳамедов билан телефон орқали суҳбатлашди 15 фев, 09:50
  • Шавкат Мирзиёев Назарбоев билан телефон орқали нима ҳақида мулоқот қилди? 16 дек, 21:57
  • Сўнгги янгиликлар
  • «Агар совринни бой берсак, у ҳолда барчасига мана шу икки аҳмоқ сабабчи бўлади» — ван Перси Фергюсоннинг иш услуби ҳақида гапирди 31 мар, 11:24 0
  • Россияда коронавирусга қарши кураш учун 3 турдаги дори ишлаб чиқилгани маълум қилинди 31 мар, 11:11 0
  • Карантин қоидалари энг кўп бузилаётган ҳудудлар маълум бўлди 31 мар, 10:59 0
  • Дилноза Кубаева коронавирус ҳақида: «Бу бир синов. Ундан қай даражада ўтишимиз ўзимизга боғлиқ» 31 мар, 10:50 0
  • Коронавирусни юқтирган аёл бошида нималарни ҳис қилганини ҳикоя қилиб берди 31 мар, 10:47 0
  • Ўзбекистонда коронавирусдан зарарланиш ҳолатлари 158тага етди 31 мар, 10:37 3
  • У бўрини «бу – онам» дерди. Устюртда топилган «Маугли»нинг сирли тақдири 31 мар, 10:30 6
  • Ўзбекистонда 4 мингга яқин кўнгилли COVID-19 билан курашиш истагини билдирди 31 мар, 10:10 3
  • Дунёда коронавируснинг тарқалишидан даромад кўрган компания номи ошкор қилинди 31 мар, 09:49 269
  • Австралияда Наггет лақабли ит карантиндаги қизчалар учун почтачи вазифасини ўтади 31 мар, 09:30 43
  • Қирғизистонда ҳам ёшлар тўйни онлайн ўтказди (видео) 31 мар, 09:10 217
  • Коронавирус: Ўзбекистон ва жаҳондаги вазият, 31 март (инфографика) 31 мар, 08:48 458
  • Бўлимлар