Фото: «Inform.kz»Коронавирус аниқланган 28 киши орасида 4 ойлик гўдак ҳам бор, дейди брифингда Нурсултон соғлиқни сақлаш бошқармаси бошлиғи Сауле Кисикова.
Сўнгги маълумотларга кўра, Қозоғистонда 53 та коронавирус қайд этилди. 16 мартдан бери мамлакатда фавқулодда вазият тартиби жорий этилган. Нурсултон ва Олмаотада 19 мартдан буён карантин.
«18 ёшгача – 2 та: битта 4 ойлик гўдак ва 14 ёшли ўсмир, 18 ёшдан 29 ёшгача – 3 киши, 30 ёшдан 49 ёшгача – 18 киши, 50 ёшдан 59 ёшгача – 4 киши, 60 ёшдан ошган – 1 киши (янги вирусни юқтирган – таҳр.)», – дейди Кисикова.
«РИА Новости»нинги ёзишича, иккита катта ва битта 4 ойлик гўдакдан иборат оила эпидемиологик вазият нохуш бўлган мамлакатда бўлгани учун Париж-Минск-Нурсултон рейсида текширилган. Улар 9 — 20 март кунлари Францияда дам олиб қайтишган.