Ўз ташқи кўриниши ва чиройига ҳаддан зиёд эътибор берадиган эркаклар бошқаларга қараганда хиёнат қилишга кўпроқ мойил бўлади. Бу ҳақда НСН’га берган интервьюсида шифокор-психотерапевт, сексолог Александр Полеев маълум қилди.Унинг фикрига кўра, эркакларда гўзал бўлиб кўриниш хоҳиши ва хиёнат қилишга мойиллик ўртасидаги боғлиқлик мавжуд.
“Сартарошхоналарга тез-тез борадиганлар - бу ҳаддан зиёд ўзларига қарайдиган эркаклардир. Улар орасида, гўзаллик салонларига камдан-кам ташриф буюрувчиларга қараганда, жазмани бор эркакларнинг фоизи шубҳасиз юқори” – деб ҳисоблайди Полеев.
Айрим эркакларда соқол мўйларининг қаттиқлиги, уларда тестостерон юқорилиги туфайлидир, дея таъкидлайди эксперт.
“Эҳтимол, шунинг учун улар кўпроқ хиёнат қилиши мумкин”, - деб тахмин қилди у.
Полеев таъкидлашича, шунга ўхшаш тенденция кийим-кечак дўконларига тез-тез борадиган эркаклар орасида ҳам кузатилади.
"Статистикага кўра, у ерга тез-тез борадиган эркакларда аёллари кўп бўлади", - дейди сексолог.
Шунинг учун бу масалага эҳтиёткорлик билан ёндашиш зарурлиги талаб қилинади, чунки ўзига қараш истаги билан эҳтимол, эркак ўз севгилисига ёқишни хоҳлайди.