Коронавирус инфекциясини янги юқтирганларнинг етти нафари Қозоғистон пойтахтида қайд этилди. Касалланганларнинг умумий сони 44 нафарни ташкил этмоқда, дея хабар берди мамлакат соғлиқни сақлаш вазирлиги матбуот хизмати.«Нурсултон шаҳрида яна 7 кишида коронавирус инфекциясини юқтириш ҳолати қайд этилди. Ҳозирги кунда мамлакатда 44 та коронавирус ҳолати рўйхатга олинган», — деб ёзади «РИА Новости».
Пресс-релизда ёзилишича, коронавирусга чалинганларнинг 19 таси Олмаотада, 25 таси Нурсултонда қайд этилган.
Бугундан Нурсултон ва Олмаотада коронавирус туфайли карантин жорий этилди. 16 мартдан бери мамлакатда фавқулодда ҳолат эълон қилинган.