«Замин»ни Telegram’да ўқинг! Join!
Zamin.uz
, 31 2020, 11:42
ЎЗO‘Z

UzAuto Motors умуман шикоят тушмаслигига эришиш учун янги сотувлар стратегиясини ривожлантирмоқчи

18 мар, 22:00 3 700 Авто
«Замин»ни Telegram’да ўқинг!
UzAuto Motors умуман шикоят тушмаслигига эришиш учун янги сотувлар стратегиясини ривожлантирмоқчи UzAuto Motors компанияси аҳолини сифатли хизмат кўрсатиш билан таъминлаш, шикоятлар ва салбий мулоҳазаларни камайтириш ва келгусида умуман шикоят тушмаслигига эришиш учун янги сотувлар стратегиясини ривожлантирмоқчи. Бу ҳақда компания томонидан баёнот берилган.

«Бугунги кунда UzAuto Motors компанияси сотувлар стратегиясини ўзгартириш бўйича катта ишларни амалга оширмоқда. Улар доирасида мижозларга хизмат кўрсатиш, сервис хизматини бажариш сифатини ошириш ва дилерлик тармоғини кенгайтириш глобал дастурини татбиқ этмоқда. Асосий мақсад — аҳолини сифатли хизмат кўрсатиш билан таъминлаш, шикоятлар ва салбий мулоҳазаларни камайтириш ва келгусида умуман шикоят тушмаслигига эришиш.

Сотув ва мижозларга хизмат кўрсатишнинг асосий шахобчалари сифатида, дилерлик марказлари истеъмолчи билан ўзаро муносабатларнинг ягона нуқтаси саналади. Сир эмаски, бугунги кунда барча дилерлар ҳам ўз функцияларини виждонан бажармоқдалар, деб бўлмайди. Сифатсиз хизмат тақдим этиш ҳолатлари учраб турмоқда, бу эса, шубҳасиз, компания обрўсига путур етказади. Кафолатли хизмат кўрсатишдан бўйин товловчи ёки дилернинг харидор олдидаги мажбуриятлари тўғрисида нотўғри ахборот берувчи дилерлар учраб туради. Айнан шу сабабли расмий дилерлар томонидан мижозларга самарали ва сифатли хизмат кўрсатилишини таъминлаш — UzAuto Motors компанияси устуворликларидан биридир.

Дилерлар учун мижозларга хизмат кўрсатишнинг халқаро талабларга мувофиқ келувчи ягона стандарти ишлаб чиқилади ва тадбиқ этилади. Ушбу стандартлар нафақат мажбурий сотуволди ва ундан кейинги таомилларни, балки ходимлар хатти-ҳаракатининг умумий маданияти, савдо заллари безатилиши, мижозлар учун қулайликлар яратиш ва ҳоказоларни ўз ичига олади.

Бундан ташқари, UzAuto Motors томонидан хизмат кўрсатиш стандартлари ва кафолат хизмат кўрсатилиши бўйича мажбуриятларни бузувчи дилерлар учун жарима қўллаш тизими ҳам ишлаб чиқилди. Ушбу тизим қоидабузарлик турига қараб жарима қўллашни ва кўп бора (тўрттагача) қоидабузарлик рўй берган ҳолда дилерлик келишуви бутунлай бекор қилинишини кўзда тутади.

UzAuto Motors экспорт дилерлик тармоғини ривожлантиришга алоҳида эътибор берилади, унинг доирасида компания экспорт бозорларида «Chevrolet» автомобилларини илгарилатиш бўйича ҳамкорликка таклиф этади.

Дилерлар фаолиятидаги муҳим йўналиш компаниядаги корпоратив сотувлар ва сервис ривожланиши саналади. Бугунги кунда UzAuto Motors давлат тузилмалари, ҳар қандай мулкчилик шаклига эга, турли тармоқларга тегишли, турфа кўламдаги компаниялар ва ташкилотлар билан ҳамкорлик қилади ва автомобиллар сотилишида ва корпоратив мижозлар автопаркига сервис хизматини кўрсатишда махсус шартлар таклиф этади. Шу сабабли, автомобиль сотиб олишнинг махсус дастурлари доирасида дилерлар ҳар бир корпоратив мижозга индивидуал ёндошувни таъминлашлари лозим.

Ҳурматли харидорлар, UzAuto Motors компанияси сифатли хизмат кўрсатилувчи замонавий дилерлик тармоғини яратишни ўзининг мақсади деб билди. Компания учун харидорлар ҳуқуқлари бузилиши ёки дилерлик марказларларида сифатсиз хизмат кўрсатилишининг ҳар бир ҳолати ҳақида билиш уларни бартараф этиш учун муҳим саналади.

Агар сиз шундай ҳолатларга дуч келсангиз, тезкор алоқа линияси (78) 147 14 14, колл-марказ (78) 141 77 77 ёки @UzAutomoto_bot орқали UzAuto Motors компаниясига мурожаат қилишингизни сўраймиз», — дейилади компания томонидан берилган баёнотда.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • UzAuto Motors уйдан чиқмасдан автомобил сотиб олишни тавсия қилмоқда 20 мар, 17:33
  • Автомобил учун тўлиқ тўлов қилишга улгурмаганларнинг шартномаси бекор қилинадими? 12 мар, 18:28
  • UzAuto Motors автомобиллар нархи нега оширилганини тушунтирди 11 мар, 15:43
  • «UzAuto Motors» расман автомобил нархларини оширди (янги нархлар) 09 мар, 11:43
  • UzAuto Motors автомобиллар учун шартнома тузиш ҳамда сотувни тўхтатди 04 мар, 08:54
  • Ravon бренди ўрнига яна Chevrolet қайтмоқда 17 фев, 18:43
  • Сўнгги янгиликлар
  • «Агар совринни бой берсак, у ҳолда барчасига мана шу икки аҳмоқ сабабчи бўлади» — ван Перси Фергюсоннинг иш услуби ҳақида гапирди 31 мар, 11:24 0
  • Россияда коронавирусга қарши кураш учун 3 турдаги дори ишлаб чиқилгани маълум қилинди 31 мар, 11:11 0
  • Карантин қоидалари энг кўп бузилаётган ҳудудлар маълум бўлди 31 мар, 10:59 0
  • Дилноза Кубаева коронавирус ҳақида: «Бу бир синов. Ундан қай даражада ўтишимиз ўзимизга боғлиқ» 31 мар, 10:50 0
  • Коронавирусни юқтирган аёл бошида нималарни ҳис қилганини ҳикоя қилиб берди 31 мар, 10:47 0
  • Ўзбекистонда коронавирусдан зарарланиш ҳолатлари 158тага етди 31 мар, 10:37 3
  • У бўрини «бу – онам» дерди. Устюртда топилган «Маугли»нинг сирли тақдири 31 мар, 10:30 6
  • Ўзбекистонда 4 мингга яқин кўнгилли COVID-19 билан курашиш истагини билдирди 31 мар, 10:10 3
  • Дунёда коронавируснинг тарқалишидан даромад кўрган компания номи ошкор қилинди 31 мар, 09:49 269
  • Австралияда Наггет лақабли ит карантиндаги қизчалар учун почтачи вазифасини ўтади 31 мар, 09:30 43
  • Қирғизистонда ҳам ёшлар тўйни онлайн ўтказди (видео) 31 мар, 09:10 217
  • Коронавирус: Ўзбекистон ва жаҳондаги вазият, 31 март (инфографика) 31 мар, 08:48 458
  • Бўлимлар