Смартфон экрани блокировкаси учун энг хавфли кодлар 20 талиги

^{Фото: iStock}
Рур университети, Макс Планк номидаги Хавфсизлик ва махфийлик институти ва Жорж Вашингтон университети мутахассислари олтита рақамли PIN-кодларнинг хавфсизлик даражаси тўрт хонали сондан иборат кодларга нисбатан пастроқ эканини аниқлади, деб хабар бермоқда Spot.

Тўрт хонали кодлар 10 мингта, олтита рақамли кодлар эса 1 миллион комбинацияни ташкил этса-да, аксарият фойдаланувчилар бузиб ўтиш осон бўлган оддий, содда рақамли комбинациялардан фойдаланади.

«Одамлар олтита рақамли PIN-коднинг хавфсизлик даражасини пасайтириб қўяётганликларини, афтидан, ўзлари ҳам тушунишмаяпти», — дейди тадқиқотчи Маркус Дюрмут.

Тадқиқотчиларнинг қайд этишича, тўрт ва олти рақамли кодларнинг хавфсизлик даражаси паролларникидан кўра паст бўлса-да, улар график калитдан кўра яхшироқ ҳимоя қилади.
Қуйида, узунлигидан қатъи назар, смартфонга қўйилмаслиги керак бўлган PIN-код комбинациялари келтирилган.

Хавфли тўртта рақамли PIN-кодлар:
1234
0000
2580
1111
5555
5683
0852
2222
1212
1998

Хавфли олтита рақамли PIN-кодлар:
123456
654321
111111
000000
123123
666666
121212
112233
789456
159753