Баҳодир Тошматов / видеоскриншот Миллий гвардия қўмондони Баҳодир Тошматов лавозимини тарк этган. Ўзбекистон Республикаси Миллий гвардиясига янги қўмондон тайинланди.
Ички ишлар вазирлиги матбуот хизмати хабар беришича, генерал-майор Рустам Мирзаевич Жўраев Ўзбекистон Республикаси Миллий гвардияси қўмондони лавозимини эгаллади.
Рустам Жўраев У бу лавозимда 2017 йилнинг августидан буён ишлаб келган Баҳодир Ҳамидович Тошматов ўрнини эгаллади. Рустам Жўраев 2018 йилнинг февралидан буён Ўзбекистон Республикаси Ички ишлар вазири ўринбосари - Тошкент шаҳар ИИББ бошлиғи лавозимида фаолият юритаётганди.
Эслатиб ўтамиз, Баҳодир Тошматов 2019 йилнинг январида генерал-полковник ҳарбий унвони билан тақдирланганди. У лавозимини нега тарк этгани ҳақида ҳозирча маълумот йўқ.