Фото: Alexander Nemenov/Pool via REUTERSПрезидент Владимир Путин давлат ҳокимиятини ташкил этиш ва фаолиятининг айрим масалаларини тартибга солишни такомиллаштириш бўйича конституцияга тузатиш киритувчи қонунни имзолади. У ҳуқуқий ахборот порталида эълон қилинган.
Қонун лойиҳаси икки қисмдан иборат: конституциянинг 3-8-бобларига киритилган ўзгартишларга қўшимча равишда, шунингдек, уларни қабул қилиш тартиби баён қилинган. Ўзгартиришлар умумхалқ овоз бериш жараёнидан кейин, уларни қабул қилиш тартиби эса қонун расмий эълон қилинганидан кейин кучга киради. Шу тариқа, ҳозирча Путин кампаниянинг фақат процессуал қисмини маъқуллади. Бу барча 85 минтақанинг қонунчилик мажлислари томонидан қонун лойиҳаси маъқуллангандан сўнг амалга ошди.
Президент тузатишларига кўра, ҳужжат имзолангандан кейин у Конституциявий судда кўриб чиқилади. Агар Конституциявий суд киритилган тузатишлар асосий қонуннинг биринчи, иккинчи ва тўққизинчи боблари қоидаларига мос келади деб ҳисобласа, Россияда 22 апрелга белгиланган умумхалқ овоз бериш жараёни бўлиб ўтади. Ўзгаришлар кучга кириши учун овоз беришда иштирок этганларнинг ярмидан кўпи уларни қўллаб-қувватлаши лозим.
Ўз навбатида, Россия Конституциявий суди президент Владимир Путиннинг тузатишлар тўғрисидаги қонуннинг конституция билан мувофиқлигини кўриб чиқиш бўйича талабини қабул қилиб олди. Бу ҳақда суд матбуот хизмати хабарида айтилган.
Хабарда айтилишича, Конституциявий суд судьялари ўзгартиришлар бўйича етти кун ичида хулоса чиқаради. Матбуот хизмати таъкидлашича, қарорларни қабул қилиш жараёни ошкора бўлмайди, чунки бу шаффофлик ва рақобат ҳаракатларига муҳтож томонларнинг иштирокини назарда тутмайди.
Конституциявий суд хулосаси қабул қилинганидан кейин у президентга юборилади ва суднинг расмий порталида эълон қилинади.
Россия конституциясига тузатишлар киритиш тўғрисидаги қонун лойиҳаси Давлат думаси томонидан 11 март куни маъқулланди, худди шу куни у Федерациялар кенгаши томонидан қабул қилинди. Ўзгартиришлар, хусусан, Путиннинг президентлик сайловларида яна иштирок этишига имкон беради. Шу билан бирга, у давлат раҳбари учун чекловлар муддатини конституциядан бутунлай олиб ташлаш тўғри эмаслигини маълум қилди.