Жиноят ишини кўриш 2020 йил 19 март кунига белгиланган.Ўзбекистон Республикаси Олий суди Самарқанд шаҳрида МИБ ходимлари ва фуқаро ўртасида содир бўлган ҳолат юзасидан маълумот берди, деб ёзмоқда Кун нашри.
2020 йил 21 январь куни Бош прокуратура ҳузуридаги Мажбурий ижро бюроси Самарқанд шаҳар бўлими давлат ижрочиси М. Бекмуҳаммедов, бўлим бошлиғи ўринбосари Ф. Ибрагимов ва жами 23 нафар давлат ижрочилари билан биргаликда иш юритувидаги фуқаролик ишлари бўйича Самарқанд шаҳар судининг 2019 йил 12 сентябрдаги ижро ҳужжатига асосан уй-жойдан чиқариш юзасидан Самарқанд шаҳри Навоий шоҳкўчаси 49-уй 16-хонадонда мажбурий ижро ҳаракатларини бошлаган.
Ўзбекистон Республикаси Олий суди матбуот хизмати хабарига кўра, шу жараёнда фуқаро Д.Р. уй-жойдан чиқишдан қатъий бош тортиб, МИБ Самарқанд шаҳар бўлими ходимларининг хизмат фаолиятига фаол қаршилик кўрсатиб, уларни устига бензин ёқилғисини сепиб, қўлида ёниб турган сочиқни уларни устига қасддан улоқтириб юбориб, давлат ижрочиларини хизмат вазифаларини бажаришдан воз кечишига мажбур қилган.
Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) 2-қисми билан айбланган Д.Р. (1978 йилда Самарқанд шаҳрида туғилган, вақтинча ишсиз, муқаддам судланган, 2020 йил 23 январдан унга нисбатан қамоқ эҳтиёт чораси қўлланилган)га нисбатан юритилган жиноят иши жиноят ишлари бўйича Самарқанд шаҳар судининг иш юритувига келиб тушган.
Олий суд маълумотида айтилишича, ушбу жиноят ишини кўриш 2020 йил 19 март кунига белгиланган.