Суперлиганинг 2-туридан ўрин олган «Бунёдкор» - «Машъал» (1:0) учрашувидан кейин ўтказилган матбуот анжуманининг иккинчи қисмида мезбонлар устози Вадим Абрамов иштирок этди.- Тўғриси, ҳеч қачон бугунгидек ёмон ўйин кўрсатмагандик. Жуда кўп хато қилдикки, бугун ҳисобдан бошқа нарса қониқтирмади. Ҳатто биринчи бўлимда ҳам ўз ўйинимизни кўрсата олмадик. Иккинчи бўлимдаку, умуман хатолар кўпайиб кетди. Буни руҳий ҳолат билан боғлаган бўлардим.
Яъни, ҳисоб 1:0 бўлиб турганида ва рақиб босим уюштираётганида бир марта хато қилган футболчи яна ўша хатони қилмаслик босимида ҳаракат қилади, лекин хатолари кўпайиб кетади. Бугун ҳисобни ушлаб қолиш учун ўйнамадик. Айтганимдек, бизни хатоларимиз кўпайиб кетди.
Жуда ёмон ҳаракат қилдик. Қолаверса, ютқазаётган жамоа ҳужумкорликни оширади, бу табиий ҳол. Мираҳмадов ўзидан кутилган ўйинни намойиш қилмагани учун Икромовни майдонга туширгандик, лекин у ҳам ўзига ўхшамади.