Фото: «Edition.cnn.com»АҚШ президенти Дональд Трампнинг сўзларига кўра, кўпгина экспертларнинг маслаҳатига қарамай, коронавирус эпидемияси туфайли Хитой билан чегараларни ёпишга қарор қилган, шу боис ҳозир АҚШда касалланганлар сони унчалик кўп эмас, дея хабар берди «Fox News» телеканалига таяниб "Хабар" нашри.
«Маъмуриятда ишлайдиган кўпгина мутахассисларнинг маслаҳатларига қарамай, мен Хитой билан чегараларни ёпдим, шу боис биз чиндан ҳам қайғуришимиз керак бўлганлар сони унчалик кўп эмас, — дейди Трамп телеканалга берган интервьюсида. — Кўпгина кишиларнинг маслаҳатига қарамай, мен чегараларни ёпдим ва, қарангки, бу жуда оқилона қарор бўлиб чиқди».
«Агар бошқа давлатлар билан таққослайдиган бўлсак, чегаралар борасида кўрган чорамиз туфайли бизда касалланганлар сони унчалик кўп эмас», — дейди Трамп.
Февралнинг бошида АҚШ коронaвирус эпидемияси туфайли сўнгги 14 кун давомида ХХРга борган хорижликлар учун киришни ва америкаликлар учун чекловни жорий этди.