Мажбурий ижро бюроси Бўка тумани бўлими иш юритувида, фуқаролик ишлари бўйича Ўртачирчиқ туманлараро судининг ижро варақасига асосан, қарздор Б.Тоировдан, ундирувчи М.Абдунабиева фойдасига вояга етмаган бир нафар фарзандининг моддий таъминоти учун ¼ қисм миқдорида алимент ундириш тўғрисидаги ижро ҳужжати мавжуд. Бир неча йиллар давомида қарздор ота алимент пулларини мунтазам тўлашдан воз кечиб, қочиб юрган. Аммо уддабурон алиментчи охир оқибат қонун олдидаги жавобгарликдан ҳеч қаёққа қочолмади.
Бюронинг туман бўлими давлат ижрочилари томонидан олиб борилган мажбурий ижро ҳаракатлари жараёнида қарздор Б.Тоировдан ундирувчи М. Абдунабиева фойдасига йиллар давомида йиғилиб қолган 70 млн. сўм алимент қарздорлиги ундирилди.