Энг бой инсонлар бир кунда $139 млрд. йўқотгани ҳақида хабар бергандик. «Bloomberg»нинг навбатдаги хабарига кўра, ҳафта давомида ана шу 500 нафар энг бой инсон жами 444 миллиард доллар зарар кўрди.Хитойдан тарқаган коронавирус глобал миқёсда иқтисодий тангликни келтириб чиқармоқда, хусусан, фонд бозорларидаги қулаш ҳам шунинг оқибати.
Молиявий таҳлиллар кимлар энг кўп йўқотишга учраганини кўрсатди, булар: Жефф Безос («Amazon»), Билл Гейтс («Microsoft») ва Бернар Арно («LouisVuittonMoetHennessy»). Булар биргаликда 30 млрд. доллар йўқотди, энг катта зарар Безосда — 12 млрд. доллар.
Элон Маск («Tesla») ҳам коронавирусдан азият чекди — унинг бойлиги бир ҳафтада 9 миллиардга камайди.