Божхона ходимлари томонидан ўқотар қуроллар ва уларни ҳаракатга келтирувчи турли механизмларнинг юртимиз ҳудудига олиб кирилиши ва муомалада бўлишига қарши тизимлар равишда ишлар олиб борилмоқда. Хусусан, “Даут-ота” чегара божхона пости Контрабанда ва божхона қонунчилиги бузилишига қарши курашиш бўлими ходимлари томонидан қўшни давлатдан юртимизга кириб келган фуқаро М.Дга тегишли “Лада Ларгус” русумли автотранспорт воситаси тегишли тартибда холислар иштирокида божхона назоратидан ўтказилди.
Натижада, автотранспорт воситасида ҳеч қандай хужжатлари бўлмаган, йўловчи божхона декларациясида ёзиб кўрсатилмаган 12 мм калибрли ўқотар қуроллар учун аталган жами 337 дона гилзалар ҳамда 15 килограмм дробларни ноқонуний равишда Ўзбекистон Республикаси ҳудудига олиб кирмоқчи бўлганлиги аниқланди.
Юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.