Чемпионлар Лигаси 1/8 финалидан ўрин олган дастлабки баҳслар якунланди. «Реал» ўз майдонида «Манчестер Сити»ни қабул қилиб, мағлубиятга учради. «Шаҳарликлар» Жезус ва де Брюйненинг голлари эвазига камбек қилишга муваффақ бўлишди. Бунинг устига Мадрид клуби ҳимоячиси Серхио Рамос қизил карточка олди ва жавоб баҳсини ўтказиб юборадиган бўлди.
«Ювентус» эса Францияда «Лион»га минимал ҳисобда имкониятни бой бериб қўйди. Тузарнинг голи мезбонларга ғалаба тақдим этди.