Сайёҳлар учун 2020 йилда энг хавфсиз бўлган давлатлар маълум қилинди

^{Фото: Pixabay}
Франция сайёҳлик суғурта компанияси 2020 йилда саёҳат қилиш учун энг хавфсиз 10 та мамлакатни аниқлади, дея хабар бермоқда «РИА Новости»га таяниб Дарё нашри.

Экспертлар табиий офатлар, транспорт, соғлиқни сақлаш тизимларининг сифати, жиноятчилик ва терроризм таҳдиди даражаси тўғрисида маълумотларни тўплаган ва Швейцария 2020 йилда сайёрадаги энг хавфсиз мамлакат деб тан олинган.

У мукаммал соғлиқни сақлаш тизимига эга, зўравонликлар ва йўл-транспорт ҳодисалари кам, дея тавсифланган. Иккинчи ўринни Сингапур эгаллаган. Қайд этилишича, у биринчи ўринни олиши ҳам мумкин эди, лекин ҳаво тозалиги бўйича Швейцария ундан устунлик қилган.

Норвегия 2020 йилда дунёда энг хавфсиз учинчи давлат деб тан олинган. Тўртинчи ўринни Люксембург ва Кипр эгаллаган.
Ушбу рейтингдаги ўнталикдан, шунингдек, Исландия, Дания, Португалия, Финландия ва Япония ҳам ўрин олган.