Айни дамда ишсиз бўлган Массимилиано Аллегри собиқ шогирди Роналду ва ЕЧЛ ҳақида гапирди.“Роналдунинг руҳияти бошқалар учун ҳақиқий намуна. У бешта “Олтин тўп”ни ютди, пуллари ҳаддан ортиқ, бироқ ҳар доим ўз олдига янги мақсадларни қўя олади. Ғалаба қозониш учун ниманидир қурбон қилишни ва ишлашни билиш лозим.
ЕЧЛда ғалаба қозониш учун омад ҳам керак, аммо керакли вақтда юқорига кўтарилиш учун ҳам муҳими фундамент бўлиши лозим. Ҳозир эса 3 йил олдин “Реал” фаворит бўлгани каби ЕЧЛга яққол даъвогарни кўраётганим йўқ”, — дейди Аллегри.