Беларус президенти Александр Лукашенко Россия президенти Владимир Путин билан телефон орқали суҳбатлашди.Маълум бўлишича, Москва Минскка чегирмали нархда нефт сотишни давом эттиради. Беларус нефт учун божхона тўловларини камайтирганлиги учун $300 млн компенсация олади.
Беларуснинг Белта нашри хабарига кўра, мамлакат президенти Александр Лукашенко россиялик ҳамкоасбининг таклифини “кутилмаган” деб айтган.
“Нефт масаласига келсак, Россия нефтни биз учун ўтган йилга молиявий даражада (нархда) сақлаб қолади. Бу озгина бўлсада, олдинга силжиш бўлди. Биз ҳозир ҳаммасини ҳисобга оляпмиз”, — деди президент.
Лукашенконинг сўзларига ишонсак, Путиннинг таклифи ҳақиқатдан ҳам кутилмаган: февралнинг бошида Минск Россия нефтини жаҳон бозори нархида сотиб олишини маълум қилган эди. Бир марта Лукашенко “ҳар янги йилда биз нефт маҳсулотлари учун тиз чўкишдан чарчадик” деб баёнот берган эди.
Январ ойида Беларус Норвегиядан 80 минг тонна нефт сотиб олган эди. Бу унга ҳар томонлама қимматга тушади: ташиш, сақлаш, таннарх. 1 феврал куни АҚШ давлат котиби Майкл Помпео Минскка ташрифи чоғида Қўшма Штатлар энергокомпаниялари мамлакатни 100 % нефт билан таъминлаши мумкинлигини маълум қилган эди.
2019 йилда Россия Urals нефтини бозор нархидан 20% арзонроққа етказиб берган эди. 2019 йилнинг январ-ноябр ойларида $50 атрофида рус нефти харид қилинган.