Дордмунднинг "Боруссия" клуби футболчиси Эрлинг Холанд футболдаги кумири ҳақида гапириб ўтди.“Бир кун келиб Роналду билан учрашишни хоҳлардим. Мен Роналду сабаб футболчи бўлганман. Буни унга айтишни хоҳлардим. У мен учун ҳар доим ўрнак бўлган”, — дейди Холанд.
Маълумот учун: Италиянинг “Рома” клуби 2 йил олдин Холандни 4 млн еврога сотиб олишни рад этгани маълум бўлди.
“Икки йил олдин “Рома”га Холанд билан 4 млн евро эвазига шартнома имзолашни таклиф этишган. Уни Мончи клубга таклиф қилганди (“Рома” собиқ директори). Аммо “Рома” буни рад этган. Холанд эса “Зальцбург”га ўтган эди”, — дейди “Рома”нинг собиқ футболчиси айни дамда клубнинг аёллар жамоаси директори бўлиб ишлаётган Себастьяно Нела.