Фото: www.google.comОксфорд университети олимлари товуқ гўштининг зарарли эканлиги ҳақида хабар беришди. Ушбу тадқиқотда турли ёшдаги ва миллатдаги 500 минг киши иштирок этди. Шифокорлар овқатланиш давомида уларнинг тиббий тарихи билан қизиқишди, деб ёзади “Халқ сўзи" нашри.
Шундай қилиб, 20 минг одам саратон касаллигига чалинган бўлиб, ажабланарлиси, уларнинг барчаси кўпинча товуқ гўшти истеъмол қилишган экан. Шу боис мутахассислар ушбу гўшт саратон пайдо бўлишига таъсир қилади, деган хулосага келишди.
Олимларнинг фикрича, бу канцерогенларга боғлиқ бўлиб,гўштнинг сифатига товуқнинг қандай ўстирилгани ва қай тарзда боқилгани таъсир қилади.
Шунингдек, қовурилган товуқ гўшти териси эса алоҳида хавф туғдиришини ҳам таъкидлашди. Товуқ гўшти терисида кўплаб хавфли моддалар ва холестерин мавжуд бўлиб, улар қон томирларини ёпиб, қон ивишига олиб келади.