«Замин»ни Telegram’да ўқинг! Join!
Zamin.uz
, 02 2020, 14:05
ЎЗO‘Z

Қарийб икки йиллик таъқиб поёнига етди. Терговчи оқланди

17 фев, 21:42 1 399 Жамият
«Замин»ни Telegram’да ўқинг!
Қарийб икки йиллик таъқиб поёнига етди. Терговчи оқланди Фото: Thinkstock
Жиноят ишлари бўйича Тошкент шаҳар суди апелляция инстанцияси 2020 йил 14 январь куни Тошкент шаҳар Чилонзор туман ИИБ ҳузуридаги Тергов бўлими катта терговчиси Муродбек Каримовга нисбатан чиқарилган суд ҳукмини бекор қилди.

Суд ажримида қуйидагилар баён этилади:
«...биринчи инстанция суди ишни кўришда қонун ва Олий суд Пленуми қарорлари талабларига риоя қилмаган.

...М.Каримовга нисбатан жиноят иши Тошкент шаҳар прокурори ёки унга тенглаштирилган прокурор томонидан қўзғатилиши лозим эди. Лекин унга нисбатан жиноят иши 2018 йил 25 апрель куни ... Чилонзор тумани прокурори томонидан, яъни ваколатсиз шахс томонидан қўзғатилган.

...Бироқ, иш бўйича барча тергов ҳаракатлари тергов гуруҳи аъзоси (суд материалларига кўра, Чилонзор прокуратурасида иш ўрганувчи – таҳр.) ҳисобланган Ж.Яхшибоев томонидан олиб борилган, айб эълон қилинган, шунингдек, айблов хулосаси ҳам у томонидан тузилиб, ЖПК талабларига риоя қилинмаган.

Юқоридагилардан келиб чиқиб, судлов ҳайъати барча дастлабки тергов ҳаракатлари ваколатсиз шахс томонидан ўтказилганлигини инобатга олиб,
...жиноят ишида мавжуд бўлган барча далилларни номақбул далил деб топишни лозим топади.

М.Каримовнинг жиноят ишини тергов қилишга аралашиш, яъни ишни ҳар томонлама тўла ва холисона ўрганилишига тўсқинлик қилиш мақсадида суриштирувчи, терговчи ёки прокурорга қонунга хилоф равишда таъсир ўтказганлиги ўз тасдиғини топмади.

Айни вақтда, М.Каримовни айбли деб топиш учун дастлабки тергов жараёнида тўпланган далиллар етарли эмас ва унинг айбини тасдиқловчи далилни тўплаш имконияти ҳам мавжуд эмас.

Юқоридагилардан келиб чиқиб, апелляция инстанцияси судлов ҳайъати биринчи инстанция судининг ҳукмини қонуний ва асосли, деб бўлмайди, деб ҳисоблаб, уни бекор қилишни ва апелляция шикоятини қаноатлантиришни лозим топди.

«Жиноят ишлари бўйича Тошкент шаҳар Миробод туман судининг 2018 йил 2 октябрдаги Каримов Муродбекни ЎзР ЖКнинг 140-моддаси 3-қисмининг «а» банди, 236-моддаси 2-қисми билан айбли деб топиш ҳақидаги ҳукми бекор қилинсин.

Жиноий ҳодиса юз бермаганлиги ҳамда М.Каримовнинг қилмишида жиноят аломатлари бўлмаганлиги сабабли ЎзР ЖПКнинг 83-моддаси, 2-бандига асосан реабилитация қилиниб, унга нисбатан жиноят иши тугатилсин», - дейилади суд ажримида.

М. Каримов 2018 йил апрел ойида таҳририятга мурожаат қилиб, унга ва унинг оила аъзоларига нисбатан прокуратура ва прокуратура ҳузуридаги департамент ходимлари томонидан турли таъқиблар бўлаётгани ҳақида гапирганди. Қонун талабига кўра, оммавий ахборот воситалари ҳаракатдаги жиноят ишига оид материалларни терговчи ва суднинг розилигисиз ёрита олмаслиги важидан М. Каримов оиласи бошига тушган ишларни кузатиш билан чекланган эдик.

Таҳририят, М. Каримовга нисбатан жиноят иши очилишига сабаб бўлган бошқа бир жиноий иш, яъни М.Каримовнинг отаси ва укасига нисбатан СВОЖЖДЛҚК Департаменти Хоразм вилояти Қўшкўпир тумани бўлими томонидан ўтказилган махсус тадбир ҳамда тергов жараёнларида йўл қўйилган ноқонуний хатти-ҳаракатлар, М. Каримов билан боғлиқ юзаки ўтказилган хизмат текшируви ва жиноят ишларининг бошқа тафсилотларига доир журналистик суриштирувларини олиб бормоқда. Тафсилотлари билан тез кунларда сайтимиз орқали танишасиз.

Толиб Раҳматов




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Сирдарёда мудҳиш ЙТҲ содир бўлди 01 фев, 12:53
  • «Toshkent city»да 90 метр баландликдан туриб кран бошқараётган қизни биласизми ? (видео) 19 ноя, 00:12
  • Тошкент шаҳар ҳокимининг жаҳли чиқди! (видео) 11 сен, 20:56
  • Тошкент ҳокимияти кўп қаватли уйлардан хонадонлар сотиб олишни таклиф қилди (видео) 01 сен, 10:57
  • ​Чилонзор туман ИИБга янги бошлиқ тайинланди 17 апр, 10:37
  • Трамп 5 соатдан кўп ухламайди, Шавкат Мирзиёевчи? 08 фев, 22:20
  • Сўнгги янгиликлар
  • «Хитой – Қирғизистон – Ўзбекистон» темир йўли қурилишини жадаллаштириш масаласи муҳокама қилинди 02 июл, 13:48 63
  • Хитой бир ўқ билан икки қуённи урмоқда, Ғарб эса норози... 02 июл, 11:30 467
  • Уйни тоза сақлашга ёрдам берувчи 6 тавсия 02 июл, 11:03 414
  • Расул Кушербаев 200 ва 500 сўмлик банкноталарни муомаладан чиқармасликни таклиф қилди 02 июл, 10:41 652
  • Ўзбекистонда коронавирус инфекцияси қайд этилганлар сони 8900дан ошди 02 июл, 10:29 548
  • Путиннинг президентлик муддатлари «нуллаштирилди» 02 июл, 10:22 1 008
  • Бозорлардаги нарх-наволар маълум қилинди 02 июл, 10:00 363
  • ЖССТ раҳбари дунёда коронавирусдан нечта вакцина ишлаб чиқилаётганини маълум қилди 02 июл, 09:38 712
  • Танишларига 150,0 млн. сўм моддий зарар етказган фирибгар суд ҳукми билан 5 йилга озодликдан маҳрум бўлди 02 июл, 09:16 276
  • Ўзбекистондаги наркодиспансерларда қанча одам ҳисобда тургани маълум қилинди 02 июл, 08:50 340
  • Ўзбекистонда вояга етмаган маҳкумларнинг ота-онаси билан учрашувларида чекловлар бекор қилинди 02 июл, 08:27 250
  • Ўзбекистонда коронавирусдан зарарланиш ҳолатлари сони 8800га яқинлашмоқда 02 июл, 08:00 432
  • Бўлимлар