Фото: ИИВ Тергов департаментиАндижоннинг Избоскан туманида юк поезди 2003 йилда туғилган қизни уриб кетди. Бу ҳақда Фарғона транспорт прокуратураси хабар берди.
Бахтсиз ҳодиса 11 февраль куни соат 09:57 да Куйганёр—Пойтуғ бекатлари оралиғида юз берган.
Қайд этилишича, Избоскан туманидаги мактабнинг 8-синфида ўқувчи қиз дугонаси билан темирйўл бўйлаб суҳбатлашиб келаётган бўлган ҳамда тепловознинг огоҳлантириш сигналига эътибор бермаган.
Тепловоз кескин тормоз бериб тўхтаётган вақтида ўсмир қиз эҳтиётсизлиги сабаб тепловознинг чап нарвонига урилиб кетган.
Жабрланувчи шифохонага олиб борилганида унга бош мия чайқалиши ва бош тепа қисмида 2 сантиметр ёриқ бўлган жароҳат аниқланган. Ўсмир қизга зарурий тиббий ёрдам кўрсатилгач, ўша куннинг ўзидаёқ уйига жавоб берилган.
Қайд этилишича, ушбу ҳолат прокуратура назоратига олиниб, Андижон вилояти ИИБ ТХТБ ходимларига нисбатан хизмат текшируви тайинланган.