Ўзбекистонлик MMA жангчиси Маҳмуд Муродов (24-6, 15 КО) ўзининг UFC’даги учинчи жангини 18 апрель куни ўтказади. Бу ҳақида спортчининг ўзи маълум қилди.
Фото: Instagram «Ассалому алайкум. Мен кейинги жанг бўйича шартномага имзо чекдим. Навбатдаги жанг АҚШнинг Нью-Йорк шаҳрида (Бруклин боросида) бўлиб ўтади. Жанг санаси эса 18 апрель (Тошкент вақти билан 19 апрель). Бизни қўллаб-қувватлаб турган барчага раҳмат. Биргаликда тарих ёзамиз», — дейди Маҳмуд Муродов.
Маълумот учун, 18 апрель куни UFC 249 мусобақаси бўлиб ўтади. Кечанинг асосий жанги эса Ҳабиб Нурмагомедов ҳамда Тони Фергюсон ўртасида кечади. Муродов эса кеча андеркардида жанг қилади.