«Замин»ни Telegram’да ўқинг! Join!
Zamin.uz
, 29 2020, 07:19
ЎЗO‘Z

Бир миллион дастурчи қандай тайёрланади?

12 фев, 23:55 1 954 Технология
«Замин»ни Telegram’да ўқинг!
Бир миллион дастурчи қандай тайёрланади? Ўзбекистон Республикаси Президенти Шавкат Мирзиёев Олий Мажлисга йўллаган Мурожаатномасида Тошкент шаҳрида замонавий инфратузилмага эга бўлган Дастурий маҳсулотлар ва ахборот технологиялари технологик парки «IT-парк» барпо этилётганини, у ҳозирданоқ ўзининг дастлабки натижаларини бера бошлаганини таъкидлаганди.

Шунингдек, бундай «IT-парк»лар Нукус, Бухоро, Наманган, Самарқанд, Гулистон ва Урганч шаҳарларида ҳам ташкил этилиши айтилганди.
Соҳа учун юқори малакали мутахассислар тайёрлаш мақсадида хорижий ҳамкорларимиз билан биргаликда «Бир миллион дастурчи» лойиҳасини амалга ошириш бошлангани алоҳида эътироф этилди. Табиийки, кўпчилик юртдошларимизда «IT-парк» фаолиятига қизиқиш янада ортди.

«IT-парк» Президентимизнинг 2018 йилда Ҳиндистонга давлат ташрифи чоғида эришилган келишув асосида Ўзбекистон Республикаси ахборот технологиялари ва коммуникацияларини ривожлантириш вазирлиги ҳамда Ҳиндистоннинг Электроника ва ахборот технологиялари вазирлиги қошидаги Дастурий технологиялар парклари жамияти билан ҳамкорликда ташкил этилган.

Вазирлар Маҳкамасининг 2019 йил 10 январда қабул қилинган қарорига кўра, «IT-парк» фаолиятини йўлга қўйиш чора-тадбирлари белгиланиб, дирекция тузилди. Жорий йилнинг июл ойида унинг дастлабки биноси фойдаланишга топширилди.

Aсосий вазифа ва йўналишимиздан бири — ахборот технологиялари соҳасидаги бошланғич ва кичик корхоналарга стартап лойиҳаларни амалга оширишда венчур молиялаштириш асосида кўмаклашишдир. Ҳозирда бу ерда ахборот, молия технологиялари, логистика, электрон тижорат, электрон таълим, биотехнология ва бошқа йўналишлардаги илк лойиҳалар муваффақиятли амалга оширилмоқда. Масалан, AҚШдаги транспорт корхоналарига логистика ҳамда кафе ва пиццерияларга аутсорсинг бўйича технологик хизмат кўрсатиш йўлга қўйилган. Технопаркда тўртта йўналиш — резидентлар билан ишлаш, IT-Aкадемия, венчур молиялаштириш ҳамда инкубация ва акселерация дастурларини ривожлантириш лойиҳалари бўйича иш олиб борилмоқда.

Мурожаатномадаги вазифаларни амалга ошириш учун Дастурий маҳсулотлар ва ахборот технологиялари технологик парки ҳудудини кенгайтириш ва янги инфратузилма объектлари қурилишини бошлаш мақсадида консепция ишлаб чиқилди. Ҳудудда 400 минг кв. метрдан ортиқ офис бинолари, конференц зал, коворкинг марказ, меҳмонхона ва бошқа бинолар қурилади. Бунинг натижасида дастурий маҳсулот ишлаб чиқувчи мингдан ортиқ янги корхоналар ташкил этилади. 14 мингдан ортиқ янги иш ўринлари яратиш имконияти пайдо бўлади. Нукус, Бухоро, Наманган, Самарқанд, Урганч ва Гулистон шаҳарларида шу йил якунига қадар «IT-парк» ҳудудий филиаллари ташкил этилади.

Маълумки, Ўзбекистон аҳолисининг 60 фоизи ёшлар бўлиб, уларни замонавий ахборот технологияларига кенг жалб қилиш, уларга дастурий маҳсулот яратиш ва аутсоринг хизматларини кўрсатишга кўмаклашиш орқали иш билан таъминлаш муҳим вазифалардан ҳисобланади.

Шу мақсадда Aхборот технологиялари ва кмоммуникацияларини ривожлантириш вазирлиги билан Бирлашган Aраб амирликларининг «Дубай келажак жамғармаси» ўртасидаги келишувга асосан, мамлакатимизда «Бир миллион ўзбек дастурчилари» лойиҳаси ишга тушди. Бу лойиҳа AҚШнинг Udacity онлайн ўқув платформасида, 4 та дастурлаш йўналишда олиб борилади. Булар андроид, маълумотлар таҳлили, «fullstack» ва «frontend»дир. Бу курсларда ёшидан қатъи назар, барча иштирок этиши мумкин. Курслар бепул. Ўқиш якунида битирувчиларга сертификат берилади.

Мазкур «IT-парк» резидентлари сифатида рўйхатдан ўтган корхоналар 2028 йилнинг 1 январига қадар солиқлар ва божхона тўловларидан озод этилган. Бу соҳа мутахассисларига катта мадад бўлиб, «IT-парк»ка қизиқишни оширмоқда.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Samsung Electronics Ўзбекистон билан ўзаро ҳамкорлик тўғрисидаги меморандумни имзолади 29 авг, 12:16
  • Ўзбекистонда халқаро ахборот тармоқларидан фойдаланиш тезлиги 32 фоизга ошди 24 авг, 17:11
  • Ёшларни онлайн муҳитда ҳимоялашга қаратилган қўлланма ишлаб чиқилди 21 апр, 09:50
  • UMS ёш мутахассисларни қўллаб-қувватламоқда 29 фев, 20:30
  • Ўзбекистонда интернет фойдаланувчилари сони 12 миллион нафардан ошди 18 сен, 14:11
  • Ўзбекистонда интернетнинг умумий тезлиги 21 Гбит/секунддан ошди 31 июл, 00:06
  • Сўнгги янгиликлар
  • Bugatti 1850 от кучига эга гиперкарни намойиш этди (фото) 29 окт, 07:00 0
  • Саида Мирзиёева Республика болалар кутубхонасини реконструкция қилиш бошлангани ҳақида маълум қилди 29 окт, 00:23 126
  • Чиройли макияжини яширгани учун ниқоб тақишни хоҳламаган қиз масаланинг ечимини топди (фото) 28 окт, 23:50 286
  • Шота Арвеладзе: Чемпионлик сари яна бир дадил қадам ташладик 28 окт, 23:23 168
  • Фақат ўпкани рентген қилиш орқали коронавирусга ташхис қўйиш мумкинми? 28 окт, 22:53 260
  • Суперлига. "Пахтакор" Муборакда йирик ғалабага эришди 28 окт, 22:22 196
  • Педагогика ва андрагогика тушунчалари ва ўқув мотивацияси омиллари 28 окт, 21:55 182
  • Ички ишлар органлари ходимлари ҳам ниқобсиз юришга оид маъмурий ишларни кўриб чиқишга ваколатли бўлди 28 окт, 21:25 321
  • Яширин иқтисодиётни қисқартириш бўйича президент фармони қабул қилинди 28 окт, 20:45 340
  • Дорихоналарда нарх-наво нега ҳамёнбоп эмас? 28 окт, 20:12 269
  • Миллионлаб одамларни қўрқув ва ҳаяжонга солган Гиннесс рекорди (видео) 28 окт, 19:38 981
  • Олимлар Қадимги Мисрга оид сирли матнларни ўқишга муваффақ бўлдилар 28 окт, 19:04 823
  • Бўлимлар