Фото: carscoops.comЯпониянинг оғир техника ишлаб чиқарувчи “Kubota” компанияси бошқарувчисиз “X Tractor” номли электр тракторини намойиш этди. Компания вакилларининг фикрига кўра, ушбу техника воситаси фермерларнинг ишини енгиллаштириши керак, деб ёзади “Халқ сўзи” нашри.
“Kubota” 2016 йилдан бери Япония ҳукуматининг фермерларни қўллаб-қувватлаш дастурининг аъзоси бўлиб, дастурнинг моҳияти – нафақага чиқаётган қишлоқ хўжалиги кадрларини йигирма хил роботлар билан босқичма-босқич алмаштиришдир.
Япония қишлоқ хўжалиги вазирлигининг маълумотларига кўра, мамлакатдаги фермерларнинг ўртача ёши 67 ёшни ташкил этган 2016 йилда дунё бўйлаб фермерларнинг ўртача ёши 60 ёш бўлган. Японияда меҳнатга лаёқатли одамлар қишлоқ хўжалигида йилдан-йилга камайиб бормоқда, бу эса ўз навбатида, озиқ-овқат инқирозига олиб келиши мумкин.
Ҳукумат дастурини амалга ошириш учун “Kubota” бошқарувчисиз қишлоқ хўжалиги техникасини, шунингдек, одамларга ҳосилни йиғиш ва ташишни осонлаштирадиган махсус экзоскелетларни ишлаб чиқаришга киришди. “Xitachi”, “Iseki” ва “Yanmar” компаниялари ҳам ушбу дастурда иштирок этмоқда.