“Матч Премьер” телеканали томонидан ҳар йили ўтказиб келинадиган Париматч Премьер Кубогининг илк тур учрашуви “Спартак” ҳамда “Ростов” ўртасида бўлиб ўтди. Мазкур баҳсда "Спартак" футболчиларининг қўли баланд келди. Москваликлар таркибида Резиуан Мирзов дубль қайд этди. Учрашувнинг сўнгги дақиқаларида "Ростов" футболчилари ҳисобни қисқартиришди. Ҳамюртимиз Элдор Шомуродов ("Ростов") ўйиннинг биринчи бўлимида тўлиқ ҳаракатланди ва иккинчи бўлим аввалида заҳирага олинди.