Мутахассислар шоколад қон босимини барқарорлаштиришга ижобий таъсир кўрсатишини маълум қилишди, дейди “hotgeo.ru”. Маълум бўлишича, ширинлик қон томирларининг кенгайишига ёрдам беради.Яқинда ўтказилган тадқиқот шуни кўрсатдики, какао нормал юрак фаолияти учун самарали восита ҳисобланади. У нафақат қон томирларининг кенгайишига ёрдам беради, балки юқори қон босимига ижобий таъсир қилади ва уни тиклайди.
Ўтказилган тадқиқот жараёнида 18-27 ёшдаги 30 нафар соғлом ёшлар иштирок этишди. Барча кўнгиллилар икки гуруҳга бўлинди ва тадқиқот давомида ҳар бирига 20 грамм шоколад берилди. Уларнинг баъзиларида тахминан 55 фоиз какао ловиялари, қолганларида шунга ўхшаш ширинлик мавжуд бўлган.
Натижада шоколад истеъмол қилиш иккала гуруҳ вакилларининг қон томирларининг ҳолатига ижобий таъсир кўрсатгани аниқланди, аммо бу какао миқдори юқори бўлган ширинликни истеъмол қилган одамларда кўпроқ натижани қайд этди.
Мутахассисларнинг таъкидлашича, бундай таъсирнинг сабаби флавоноидлар — қон томирлари деворларини кенгайтириши мумкин бўлган моддалардир.