ПФЛ бош директорининг спорт ишлари бўйича ўринбосари Диёр Имомхўжаев телеграмдаги ўзининг саҳифасида 2020 йилги Суперлига формати ҳақида маълумотларни эълон қилди."Суперлигада 14 та клуб иштирок этади. Улар 13 та уй ва 13 та сафар учрашувларини ўтказади.
Суперлигада сўнгги ўринни эгаллаган клуб қуйи лигага равона бўлади. 13-ўрин соҳиби эса ўтиш ўйинида Про-лиганинг иккинчи жамоасига қарши майдонга чиқади. Ўтиш учрашуви фақат битта ўйиндан иборат бўлиб, у Про-лиганинг иккинчи клуби майдонида бўлиб ўтади", - дейилади хабарда.
Эслатиб ўтамиз, ўтган мавсум фақатгина бир жамоа - Про лигада ғолиб чиққан "Машъал" Суперлига йўлланмасини қўлга киритган ва элитани бир жамоа тарк этган эди.