Наманганда Lacetti ва Nexia иштирокидаги ЙТҲ оқибатида ҳайдовчилардан бири вафот этди

^{Фото: ИИВ ЙҲХББ ахборот хизмати}
2 январь куни соат 16:00 ларда Наманган вилояти Чортоқ тумани ҳудудидан ўтган йўлда Lacetti ва Nexia автомобиллари ўртасида йўл-транспорт ҳодисаси содир бўлди. Бу ҳақда ИИВ ЙҲХББ ахборот хизмати хабар берди.

«Тўрақўрғон—Наманган—Чортоқ—Ласкидон» автомобиль йўлининг 45-километрида 51 ёшли фуқаро Lacetti русумли автомобилини бошқараётиб, рул бошқарувни йўқотиб, қарама-қарши йўналишга чиқиб кетган ва қаршисидан ҳаракатланиб келаётган Nexia билан тўқнашган.

Nexia ҳайдовчиси Учқўрғон туманида яшовчи 1967 йилда туғилган С.Р. бўлган.

^{Фото: ИИВ ЙҲХББ ахборот хизмати}
ЙТҲ оқибатида Nexia ҳайдовчиси олган тан жароҳатлари оқибатида касалхонада вафот этган.