Фото: ТАССТуристлар Ҳиндистонда фуқаролик тўғрисидаги қонунга тузатишлар киритилганидан кейин бошланган тартибсизликлар сабабли Тож-Маҳалга боришдан оммавий равишда воз кечмоқда. Бу ҳақда Asia Times'га таяниб Kun.uz хабар берди.
Туристик полиция инспектори Динеш Кумарнинг сўзларига кўра, 2019 йил декабрида ташриф буюрувчилар сони 60 фоизга камайган.
Расмий маълумотларда айтилишича, кейинги икки ҳафта ичида 200 мингга яқин киши Тож-Маҳалга боришдан воз кечган ёки сафарни кейинроққа қолдирган.
Ушбу ёдгорликни кўриш учун йилига 6,5 миллион нафар турист келади ва Ҳиндистон ғазнасига бунинг ортидан 14 миллион доллар тушади.
Тож-Маҳал яқинида жойлашган меҳмонхоналар ва меҳмон уйлари эгалари кейинги вақтда даромад кескин тушиб кетганини айтишмоқда.