Фото: ФВВ матбуот хизмати2019 йил 29-30 декабрь кунлари А-373 «Тошкент-Ўш» автомобиль йўлининг Қамчиқ довони қисмида вақти-вақти билан қор ёғиши кутилмоқда.
ФВВ хабарига кўра, довонда туман тушиб, кўринувчанлик 50 -100 метргача пасайиши, шамол тезлиги секундига 15-20 метргача кучайиши, йўлда қор уюмлари, музламалар ҳосил бўлиши кутилмоқда.
Шу муносабат билан, йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишдан олдин хавфсизлик қоидаларига эътибор қаратиш сўралган.