Янги мавсумга тайёргарликни бошлаб юборган Наманганнинг “Навбаҳор” клуби йиғинига бирин кетин легионерлар келиши бошланди.Хабарларга қараганда “лочинлар” сафига 21 ёшли мисрлик футболчи Холид Ҳассан келиб қўшилган. У ярим ҳимоячи амплуасида ҳаракат қилади. Унинг сўнгги жамоаси Мисрнинг “Ал-Олимпи” клуби бўлган.
Таъкидлаш керакки, “Навбаҳор” йиғинига яна 2 нафар мисрлик футболчининг келиши кутилмоқда. Уларнинг бири Миср терма жамоасида тўп суради. “Навбаҳор” эртадан расман машғулотларни бошлайди.